११४ प्रिय सखा येशु हे माझ्या प्राणप्रिया दुर्गा , माझ्या आश्रया, घे घे ओढोनी मला वक्षी तुझ्या , प्रेमाला ! वारा वेडा जाहला , घे घे ओढोनी मला ; लाटा खाऊ पाहती , सांभाळी तू संप्रति ... १ संसाराव्धी क्षोभला , ह्यातुनी जाता मला सांभाळुनी ने तटा, वारी , ख्रिस्त , संकटा ; अंती आत्मा हा , प्रिया , घे घे ! दावी हि दया ; मी तुझा , तुझा सदा ! तुझा तुझ्या ने पदा ! ... २ नाही नाही आसरा तुझ्याविणे दुसरा ; एकाकी मी , तू जरी सोडिशी , ख्रिस्ता , तरी ; माझ्या जीवेशा , मला सांभाळी, दे शांतीला ; सारी आशा साह्य रे तू माझे , ख्रिस्ता , खरे ... ३ घे , माझ्या घे मस्तका ; पंखी झाकी तारका : कोठे जाऊ ? राहू रे ? तू माझे सर्वस्व रे ! मी अन्यायी , पातकी , निचांचा राजाच कि ! तू सत्याचा , नीतीचा सिंधू , येशु , प्रीतीचा ! ... ४ नाही प्रेमाला मिती , क्षांती, तुझी ती किती ! माझ्या पापांची क्षमा केली तू , सर्वोत्तम ; आरोग्याच्य निक्षारा तू व्यापी ह्या अंतरा; ठेवी हे तू शुद्ध रे , तू माझे सर्वस्व रे ? ... ५ हे अक्षय्या जीवना , घेतो तुते पावना ; येई , राही अंतरी . सारे सारे तू भारी ! हे अक्षय्या जीवना येथे पावे वर्धना वाढोनि काळाप्रती व्यापी , नाही ज्या मिती ... ६ - ना.वा.टिळक