मराठी
136 दु:ख सहन करणारा ख्रिस्त
अहाहा ! माझा प्रभू थोर
त्या खांबी मारिला;
माझ्या पापांचा दंड घोर
तयास लाविला ... 1
तो माझे पाप पाहुनी
त्या खांबी कन्हला;
प्रीती अपूर्व ही जनीं
सीमा नसे तिला ... 2
कर्त्याने क्लेश भोगिले
साधाया जनोद्धार,
सूर्याने तेज झाकिले
तै साजे तो अंधार ... 3
मी त्या खांबास पाहुनी
मुखाते झाकीतो,
प्रभूचे दु:ख स्मरुनी
अत्यंत रडतो ... 4
हे तुझे प्रेम केवढे !
ऋणांस याचिया
प्रभू , हे अश्रू कोरडे,
न शक्त फेडाया ... 5
- एच balentine