153 पवित्र आत्म्याच्या योगे बाप्तिस्मा विनवितो सदात्म्या हे, झणी ये तू अंतरी अग्नीने मंडला ह्या बाप्तिस्मा दे परी, अघजाला वारुनिया मनी वस्ती तू धरी, ख्रिस्ताच्या सदूचाची आशा ही तुजवरी ... 1 मूढां ह्या ख्रिस्तज्ञाना पूर्ण तू शिकवी आलस्या मनीच्या या वारुनी चेतवी, हर्षाते भरुनीया दु:खाते घालावी. हृदयाची जुनी वस्त्रे काढुनीया दे नवी ... 2 घोषाया ख्रिस्तकीर्ती सामर्थ्या दे अता सर्वांतें गाजवी तू वार्ता ही सांगता, ख्रिस्तप्रेमास चित्ती विकसु दे सदैवा, करूनी तूं नित्य वस्ती हृदया दे सजीवता ... 3 - सु. वि. करमरकर