मराठी
185 पश्चातापी मनुष्याचे अश्रू
पतितासु जगतीं साचे
बहू भासती मोलाचे ... ध्रु
प्रस्तरहृत प्रभुप्रीती फोडी,
पुनरपि तें प्रभुपदिंही जोडी,
बलिदान करी ती साचें
प्रेमेचिं स्वप्राणाचें ... 1
अंतरी बघतां वेडा झालों,
परी प्रभुदर्शन धालों,
मम शल्य जें मनीं खोंचें
जातां तें हर्षें नाचे ... 2
दूतांचे गण मोदें डुलती
अनुतापी जैं शोका करिती ;
म्हणती तुम्ही त्या प्रभूचे
गुण गात रत व्हा साचे ... 3
खेद वृथा जरी कृतकर्मांचा
निश्चय करी तैं सुविचारांचा,
प्रणतासी उध्दाराचा,
प्रभू खडक ख्रिस्तची साचा ... 4
-- कृ. चं. सरोदे