186 पापी मनुष्याचा अनुभव हरलों हरलों मी, प्रभू देवा, कैंची घडे ताव सेवा ... ध्रु पापांमधिं मन लोळे, झाल्यावरती उघडती डोळे ... 1 दृढ निश्चय मी केले, परी ते समयी व्यर्थच गेले ... 2 टोंची विवेक कांटा, करितां बोध फुटे मज फाटा ... 3 देवळीं नेत्र उघडती, तेथुनि निघतां झापड पडती ... 4 ऐकूनि कानही किटले, विटलें मन, परी नाहीं फुटलें ... 5 प्रितिवचन आठवितों तव परी एकीकडे ठेवितों ... 6 मन हें मज अकळेना, कळतें या, पण काहीं वळेना ... 7 हें मन बहू बेशरमी, परी घट किती मारूं या शर मी ! ... 8 तुजविण दुष्ट मनाला आकळवेना, अनुभव आला ... 9 तार मला, प्रभू आतां, पापें कबुल करितों, ताता ... 10 --- कृ. र. सांगळे