194 कृतघ्नतेमुळे दु:ख ऐसें असता स्मरलो नाहीं देवा हो, व्यर्थ दवडिलें आयुष्य, कैची सेवा हो .ध्रु कैसा उदरीं मातेच्या जन्म दिला हो बहू प्रयासें प्राण हा वाढविला हो ... 1 पृथ्वीवरती मजला जन्मविलें हो, दु:ख संकटें रोगहि निवारिले हो ... 2 अन्नवस्त्रही पुरविले योग्य कालीं हो, कधीं उपाशीं निजवीलें नाही खालीं हो ...3 निरुपायी कीं पाहूनियां भ्रष्ट माला हो जगीं स्वपुत्रा धाडिलें तारायाला हो ... 4 दंड पुत्रासी लाविला पापियांचा हो प्रलय लोटिला त्यावरी यातनांचा हो ... 5 मंदक्रोधही होऊनियां वाट पाही हो बहू प्रसादाची दया गेली नाहीं हो ... 6 ---कृ. र. सांगळे