मराठी
195 सद्गुरूप्राप्ती
पातकाच्या राशी पोंचल्या आकाशीं,
तरी कोणापाशीं जाऊं आतां ? ... 1
अगणित पापें त्यांही ओझें झालें
शरीर चेंचलें, काय करूं ? ... 2
जप, तप, यात्रा, यत्न बहू केले,
भोंदुनीयां खाल्लें बहुतांनीं ... 3
परी निरुपाय रडें धायधाय,
कोण बाप माय शांती देई ? ... 4
रात्रंदिन झोप नेत्रांसी कोठोन ?
साह्यकारी कोण ? हेंचि सांगा ... 5
ऐशा दु:खामाजी शोधला उपाय,
सद्गुरूचे पाय सांपडले ... 6
केली क्षमा त्यानें, शांती पूर्ण दिली,
मुक्ती प्राप्त झाली पतितांस ... 7
----- अज्ञात