मराठी
200 पापांची फळें
तन, मन, धन संपत्ती हि कैसी
वाईट कामासी लावियेली ... 1
काम, क्रोध, लोभ, मोह व मदादि,
संचरले हद्दीपलीकडे ... 2
सद्सद्विवेक बोथुनी टाकीला,
पशूहूनि झाला नीच नर ... 3
उडविली ना हि संपत्ती बापाची ?
असंख्य पापांची झाली रास ... 4
कर्तव्य न केलें, वर्ज्य तेंचि केलें,
सर्वायुष्य गेलें पापामध्यें ... 5
सद्गुणांची मंदी, दुर्गुणांची धुंदी
माजलासे नंदी पोळ जैसा ... 6
उपकार झाले अनंत जयाचे
बंड केलें साचें त्यावरीच ... 7
--- कृ. र. सांगळे