मराठी
207 देवदयेसाठीं विनंती
देवा, मला क्षमा करीं
कोपू नको माझ्यावरी,
तुझी अनंत करुणा,
दयेनें एक प्रार्थना ... 1
माझे अन्याय होती थोर,
मजला योग्य दंड घोर,
देवा तू हो तरी उदार,
तुझ्या कृपेस नाहीं पार ... 2
खोडूनी पाप सगळें
मला करीं तू मोकळें,
हें पाप भार वाटतो,
त्यामुळें जीव कण्हतो ... 3
मीं अपराध केले फार,
धिक्कारिलेहि ऊपकार,
हीं पातकें पत्करितो,
तीं आठवूनी लाजतो ... 4
ऐसा जरी तूं पातकी
टाकुनी देशिं नरकीं,
तरी अन्याय तो नसे,
दोष देऊं तुला कसे ? ... 5
प्रभू, क्षमा, क्षमा करीं !
मज पाप्यास उद्धरी;
सच्छास्त्रवाक्यस्मरणीं
होऊं दे शांती मन्मनीं ... 6
--- H ब्लेंतीने