236 स्वपुण्याची निष्फळता सदाचरणानें पुढें वर्तताही तरी पूर्वीचा दोष कमी नाहीं; ज्ञान, विद्या, अधिकार, कुळ यांही, आणि द्रव्यानें मुक्ति नसे पाहीं ... 1 प्रार्थनाहि स्तुतिभक्तिचा आवेश, शास्त्रावाचानही, देउळीं प्रवेश; पाप यांनीही, जात नाहीं पाहा तुम्ही सुविचारें शोध करावा हा ... 2 जसा उधळ्या सर्वस्वी नम्र झाला, पाप पत्करुनी पित्या शरण आला, कृपादानचं ते मात्र इच्छियेले नाहीं महती व पुण्य दावियेले ... 3 तसा पापी जाईल शरण देवा, त्याची इच्छा जाणुनी करील सेवा; कृपेवरती टेकेल ख्रिस्तयाच्या करील माफी तो पातकांची त्याच्या ... 4 पिता आज्ञापिल तेंच मी करीन, मार्ग दावील जो तोच मी धरीन, हीच उत्कंठा मुख्य मनीं ज्याची, देव बहू हर्षें क्षमा करील त्याची ... 5 -- कृ. र. सांगळे