मराठी
262 ख्रिस्ती मनुष्याची स्वाभाविक दुर्बलता
घ्यावें तुला सतत पातकनाशना मीं,
व्हावें खरें, प्रभूवरा, तव मार्गगामी,
इच्छा मदीय परिपूर्ण करावया ही
नाहींच शक्ती मजला प्रभुराय, नाहीं ... 1
मी दास पूर्ण मम मानसकामनांचा,
सांचाच दुष्टपण,गर्वितता ययांचा ;
यदबन्ध तोडीन म्हणे, परी हें करूं ही,
नाहींच शक्ती मजला, प्रभुराय, नाहीं ... 2
मी तारका, भयद पातकभारचूर्ण,
त्राता मला तुजविना दिसतो कुणी न ;
ये तार ! हांक फिरुनी तुज मारण्याही
नाहींच शक्ती मजला, प्रभुराय, नाहीं ... 3
एका क्षणांत सृजण्या नवसृष्टीगोल,
या नाशनया सकल विश्वही हें सलील
तूं शक्त ! तूंच जरि बोलशी बोल एक
दिव्यत्व येईल मला मनुजास देख ! ... 4
---- शा. द. उजगरे