मराठी
272 ख्रिस्तसहवासाची महती
काय करायाचें ! जगाशीं काय करायाचें ? ... ध्रु
होईल जें जें, ख्रिस्तार्पण तें
बोल बोल वाचे, सदा तूं
बोल बोल वाचे ! बोल बोल वाचे ! जगाशीं ... 1
निंदो वंदो तुज कोणी, ताव त्यांत काय वेचें ? मना रे,
त्यांत काय वेचें ! त्यांत काय वेचें ? जगाशीं ... 2
काम तुझें प्रभू येशूमागून नित्य चालण्याचें, मन्मना
नित्य चालण्याचें, नित्य चालण्याचें, जगाशीं ... 3
ख्रिस्तासंगे हित साधी तूं शत्रुमित्र यांचें, सदाचें
शत्रुमित्र यांचें, शत्रुमित्र यांचें, जगाशीं ... 4
अशाश्वताला नाच मज सोडून प्रभूला भजण्याचें, मन्मना,
प्रभूला भजण्याचें, प्रभूला भजण्याचें, जगाशीं ... 5
प्रेमाचें प्रभू निधान लाधे निश्चल शांतीचें, तुला हें
निश्चल शांतीचें, निश्चल शांतीचें ! जगाशीं ... 6
----- ना. वा. टिळक