२९४ ख्रिस्ताचें अंतर्यामी वास्तव्य प्रभुराया, सेवक शरण पदीं, सदया, पत्तीतजनोध्दरणा ... ध्रु देव सुता परनिरता अघविरता विषयविकारातीता सकलनुता सकलहिता मुक्तिपथा बहुसुमता, उठता, बसता , वदतां, कृती करितां, भजन तुझें मज, ताता, भावें व्हावे सतत मज तुझे दिसूत चरण ... १ नयविमला, अतिसरला प्रेमबला विनमज्जनप्रतिपाला, शमितखळा अमितबला, घृत्सकला, विगततुला, श्रमला, भ्रमला, तव सेवक रमला, तव चरणी हा घाला; ख्रिस्ता होवो हृदय मम तुझें रुचिर सदन ! ...२ ----- ना. वा. टिळक ______________________________________________________________________ २९५ प्रभूसेवेचा लाभ धनास मागूं तरी ते विनाशी, ख्रिस्ता, धने भ्रंशविती मनाशी सुखें धनाने मिळतात ऐसें जें बोलती तें नच सत्य भासे ... १ कालावलंबी जरी कीर्ती आहे तरी विनाशावीण केवीं राहे ? नको मला कीर्ती तुलाच राहो, दे सेवनाचा तव पाय लाहो ... २ --- ----- ना. वा. टिळक