मराठी
३१२ श्रद्धायुक्त प्रार्थना
श्रद्धालू मानव सत्य पावतील
जें जें मागतील देवपदीं ... १
जें जें शोधितील तें तें त्यां मिळेल,
त्यांस उघडेल स्वर्गद्वार ... २
कोण असा जण देईनाची अन्न
क्षुधित नंदन मागताहि ? ... ३
भाकर मागतां देईल पाषाण
असा पिता कोण आहे जगिं ? ... ४
स्वभावें निष्ठुर मानव असती,
तरी ते जाणती पितृधर्म ... ५
आपुल्या लेकरा देती ते पदार्थ
वाटती यथार्थ तयाला जें ... 6
कैसा न देईल दिव्य स्वर्गराणा
उत्तमची दानां निजबाळा? ... ७
----- ग. र. नवलकर