३७६. सहकारित्व सहकारी हो सहकारी विश्व सकल हें सहकारी ... ध्रु बांधाया, मापायाला शकत न केव्हां कुणी ज्याला, चला विचारूं त्या काला, ऐकू त्याच्या वचनाला, मम अंगांतें मांडीत करिते, सांभाळिते त्या सहकारित्वि सारी माझी सदाची भिस्त खरी ... १ आप, तेज, धरणी, अनिल, व्योम, महाभूतें सकल, सहकारी, यास्तव वसतें नातरी विश्वच हें नसतें ह्या ग्रहगोला सवाल केला. तर अपणाला म्हणतील हे, आमुची सारी सहकारित्वि भिस्त खरी ... २ या, खालीं या, वनीं चला, पुसुनि घ्या या अचलाला चला विचारा झर्याप्रती, घ्या ऐकून हे जें म्हणती, पर्वत, प्राणी, वृक्षश्रेणी, अवघे प्राणी म्हणतील हे आमुचे सारी सहकारित्वि भिस्त खरी ... ३ एक काय म्हणे रान किंवां नर्वसतीस्थान फार कशाला पिपीलिका काय म्हणे ते या ऎका जेथें तेथें जें ते करिते सदा ध्वनीते कीं आहे अमुची सारी सहकारित्वि भिस्त खरी ... ४ दूर कशाला ह्या देहीं सहकारित्वावीन कांही न दिसे अंत:सृष्टी हि सहकारित्वावीन नाहीं लोकीं म्हणती जिला संसृती ती तर नुसती सहकारित्वाच्या मुक्ती खरी ... ५ सह्कारीत्वें परमेश आश्रय भक्ताची आस सह्कारीत्वें भजन घडें चरणी त्याच्या चित्त जडे देव सांगतो निसर्ग म्हणतो मीही गातो अन्योन्यांचे सहकारी होऊं नरनारी सारीं ... ६ -------- ना. वा. टिळक