४२९. ईश्वरासन्निध असणे येऊ दे जवळी तूं जवळी शिक्षाही देउनी घे जवळी हे देवा, देवळी, येऊ दे जवळी, तूं जवळी ... १ कीं वाटे लागता अंधार गाढ उशास मिळता केवळ दगड तूं स्वप्नी आढळी येऊ दे जवळी, तूं जवळी ... २ याकोबासारिखा दे मला भास शिडीने नेटका मार्ग स्वर्गास दूतांची मंडळी नेवो तुजजवळी , तुजजवळी ... ३ पुढें मी उठुनि तुला स्तवीन, धोंडा उभारुनी कृपा वर्णीन त्या प्रिय बेथेली येऊ दे जवळी, तूं जवळी ... ४ कीं हर्ष करितां चढेन वर, सूर्य ओलांडितां काढीन स्वर, गाईन आभाळी, येऊ दे जवळी, तूं जवळी ...५ --- --- एच . बॅलेनटाइन ___________________________________________________________________________ ४३० ख्रिस्ती मनुष्याचा आश्रय प्रचंड वायू वाहतां भयें मनास ग्रासितां, मिळे नतास आसरा पित्यासमीप तो खरा ... १ अनन्य सौख्यधाम तें, सदैव येशू हो तिथें जनास हर्ष देतसे, पित्यासमीप तो वसे ... २ सुयोग मित्र पावती, सुखें तयांस लाधती, असोत दूर ते किती पित्यासमीप भेटती ... ३ तिथें, तिथें, वरी वरी, उडो विहंगमापरी तिथें कशास धातुके कुठुनी मोह पातकें ... ४ बघून आपणा स्वयें सहर्ष दिव्यलोक ये करावयास स्वागता पित्यासमीप नांदता ... ५ दयासनास वैभवें चढेल तेज हो नवें बघून आपणाप्रती दिसेल रम्य ते किती ... ६ ---- ना. वा. टिळक