४४४. गृहप्रवेश प्रभो करितों अजि गृह्प्रवेशाला तुला वंदून, ईश्वरा जगत्पाला तुधा आम्हां दिधलिस नवी सेवा, शक्ती पुरवीं हि करावया, देवा ... १ उभयतांच्या आमुच्या मनीं राहीं, तुझा अमुच्या अधिकार असो गेहीं सुखी दुःखी आधार तूंच होई अंतीं सनिद्ध आपुल्या, प्रभो नेई ... २ न हें अमुचें, गृहराज्य तुझें, देवा, तुवां येथें आम्हांस दिली सेवा तुझ्या आशेची सदा बांधलेलीं ठेव आम्हां आपुल्या दृष्टीखाली ... ३ तुझी इच्छा सर्वथा आदरावि, गृही अमुच्या तव उपासना व्हावी तुझ्या भक्तांचा मान इथें व्हावा, मिळो तिथें दुःखितांप्रती विसांवा ... ४ कुणी अतिथीं पातल्यामान त्याचा घडो, विधवांचा, अन्य अनाथांचा ख्रिस्तवृताची घोषणा हि घडावी म्यतक येथें तव भूति सदा व्हावी ... ५ प्रेम नांदो, पावित्र्या इथें नांदो तुझें इप्सित तें मात्र इथें साधो तुझ्या सन्निधींचे दिव्य सौख्य लाधो, अगा प्रेमाबधे, अगा दिनबंधो ... ६ तुला हितकर वाटेल तेच देई, तुझ्यावाचून संपत्त्ती अन्य नाहीं, पूर्व गरजा आमुच्या हव्या तेबी, तुझ्या चरणीं संलग्न सदा ठेवी ... ७ प्रभो आम्ही जाहलों एकजीव स्मरण ह्यांचे आम्हांस नित्य ठेव, प्रभो ख्रिस्ताप्रीत्यर्थ दुर्बलांची ऐक विनती नव वधूची वराची ... ८ ----- ना. वा. टिळक