४६१ प्रभुभोजनसमयी सुचलेले विचार कशाला अतां मोह पापें कशाला कशाला, अतां क्लेशचिंता कशाला पुढें माझिया मार्ग मी अन्य पाहें, शरीरीं तुझें रक्त खेळुनि राहे ... १ जगा येऊं दे घेऊनि वागुरांना, बघू दे जगाच्या प्रमत्ता गुरांना, मला जिंकणे साध्य कोणास नोहे शरीरीं तुझें रक्त खेळुनि राहे ... २ करो कोणी निंदा, धरो मत्सरातें, न माझे उशाशी कशाचेंच नातें, तुझयावाचुनी शून्य सारें मला हे, शरीरीं तुझें रक्त खेळुनि राहे ... ३ वधस्तंभ मीं घेतला स्कंधदेशी, खिलोनी तया घेतलें आपणाशीं पुन्हा उठला ख्रिस्त, तो मीच आहे, शरीरीं तुझें रक्त खेळुनि राहे ... ४ जिथें मी तिथें तूं सदा व्यापलेला, अशा प्राशीला मीं, प्रभो, आज प्याला मनीं स्वर्ग, माझ्यापुढें स्वर्गता हे, शरीरीं तुझें रक्त खेळुनि राहे ... ५ ----- ना. वा. टिळक