५२९. देवनियुक्त मार्ग प्रभो, तुझीच साउली असेन मी जगिं भलीं रहस्य आपुलें मला निवेद तूं सुमंगला ... १ सहीन मी श्रमाप्रतीं छळोत चिंतनें किती, प्रभो, गुरो असें करी मला सदा करें धरीं ... २ प्रभो, मनास जिंकितां सहानुभूती दाविता असा सुशब्द तूं मला शिकिव, भक्तवत्सला ... ३ कुमार्गवरती पाउलां शिकिव आवरुं मला, गृहाकडे तयां गती शिकिव केवीं देऊं ती ... ४ तुझी प्रभो, सहिष्णुता शिकिव सर्व संमता, सुखावहा सदैव ती तुझी घडो सुसंगतीं ... ५ अभंग एकनिष्ठता धरी नवीन चारुता ज्यामुळें, घडो मला असेंच काम वत्सला ... ६ पुढें प्रवेश दूर तो जिचा प्रकाश दावितो, सहायता अमोघ ती, प्रभो तुझ्याच संगती ... ७ न अन्य कोणीही, परी सुशांती देशी तूं खरी सदैव ठेव, निर्मला, तुझ्याच पाउलीं मला ... ८ ----- ना. वा. टिळक