५६७. शुभवृत्तप्रसार करण्याबद्दल आग्रह हे शियोना, तूं आपल्या त्या कार्या वेगें लागें, जा सांगे सर्वाला, कि ह्या जगा जयाने निर्मियेले त्या पहावेना आत्मा मेलेका ... १ शांतीच्या वृत्ता जा, जा, सांगा सांगा येशूच्या, त्या मुक्तीच्या कथा ... ध्रु जा, सांगा जा कीं, विश्वाचा निर्मिता तेजोरूपी आहे, जाणा त्याला कोणी निशाच्छायेमाजी पाहतां, साहेना तें त्या प्रेमाबुधीला ... २ पाहा लोकीं लाखों पापाच्या दास्यी, अंधारीं बंदीमाजी राहाती कोणी नसे सांगावयाला त्यांशी कि ऐशाना येशू देई मुक्ती ... ३ ज्यासाठी येशू अर्पी स्वप्राणातें पावावा नाश त्या आत्म्यांनी कां त्यांना जपा, हो सोडा आलंस्थातें, जा आणा जा, त्या रत्ना एकेका ... ४ तो राजा ये त्यापूर्वी, हे शियोना, भेटाया त्या नुरो कोना भीती दोषी न हो, आणि साऱ्या आत्म्यांना जाणों दे सर्वा येशूची प्रीती ... ५ ----------- ना. वा. टिळक