५८९. पाळकांची प्रतिष्ठापना पाळक प्रतिनिधी येशूचा, बंधू, सखा निजसंघाचा ... ध्रु रक पितयासम त्याचा, सेवक मातेसम साचा रक पोषक, सत्पथदीपक, प्रधान याजक, नायक अपुल्या लोकांचा शूर शिपाई ख्रिस्ताचा ... १ पाळक योजी परात्पर तयास पुरवी तोच कर सुखदात्याला सदय पित्याला, प्रार्थू त्याला निर्मल करुनि मन वाचा रक्षि पाळक तूं अमुचा ... २ हृदयिं त्याच्या ख्रिस्त रतो अक्षय जीवननिर्झर तो पात्र तयाचे पूर्ण झऱ्याचें वहावयाचें पाळक होवो हा अमुचा जीवनदाता तृषितांचा ... ३ आधीं तुझा मग हा अमुचा तूं सम्भरता उभयांचा सदया देवा, तुझीच सेवा घडो, नसावा गंध मना परहेतूचा हीच सदा अमुची यात्रा ... ४ मनीं, जनीं हिंदीस्तानि स्वाराज्याचा जयध्वनी हेंच पुरे रे, वैभव सारे दुसरें वारे नको स्पर्श आम्हां त्याचा घे तुज तनमनधनवाचा ... ५ ---- ना. वा. टिळक