५९६. विवाहसमयीची प्रार्थना प्रभू ख्रिस्ता तूं कृपेने लग्ननेम लाविला येऊनि आता दयेनें आशीर्वाद दे आम्हा नौरानौरी या दोघांना तुझी कृपा दाखवीं, क्षेम दे उभयतांना, तें अखंड वाढवी ... १ तुझी कृपा पावतांना हीं वंदोत तुझें नाव, सुमार्गात चालताना दाखवोत प्रेमभाव प्रिय प्रभू , तूं दयाळा करीं यांची बेगमी. दे आरोग्य, हे कृपाळू, दुःखें वारीं नेहमी ... २ रोज रोज त्यांच्या घरीं स्तुती, भक्ती होवो फार, तुझी कृपा झाली तरी हीं मानोत उपकार भवदुःखें लागतांना करीं त्यांचा तूं निभाव, ते आधार मागतांना वेगें होऊ दे बचाव ... ३ अंतकाळीं बोलावूनि करिशी त्यांचा वियोग, तेव्हां पुन्हा मिळवुनी वर्ते दे सत्सुखभोग प्रिय प्रभू ममताळू, दे भक्तीची भावना, स्तवु तुला, दे दयाळू , गाऊं तुझी करुणा .... ४ ----- एच. बॅलेंटाइन