६०१. स्वदेशप्रीत्यर्थ प्रार्थना प्रियकर हिंदीस्थान अमुचा प्रियकर हिंदीस्थान ... ध्रु हीच सुखाची सौभाग्याची, सर्व गुणांची खाण खरोखर सर्व गुणांची खाण, सर्व गुणांची खाण,अमुचा ... १ चिंता ह्याची करू सर्वदा, ह्याचा धरू अभिमान, खरोखर ह्याचा धरू अभिमान, ह्याचा धरू अभिमान,अमुचा ... २ देऊ धनाला, देऊ मनाला, ह्यास्तव देऊं प्राण, खरोखर ह्यास्तव देऊं प्राण , ह्यास्तव देऊं प्राण, अमुचा ... ३ स्वदेशसेवा रुचे न तो नर देह जसा निष्प्राण, खरोखर केवळ तो निष्प्राण, तो नच ख्रिस्ती जाण, अमुचा ... ४ प्रिय देशांचें अमुच्या देवा, नित्य करीं तूं त्राण, खरोखर नित्य करीं तूं त्राण, नित्य करीं तूं त्राण, अमुचा ... ५ ------ ना. वा. टिळक