६३५. अविनाशी सुख अविनाशी सुख तें मज पामराला प्रभू देई, तर शोक करुं मी कशाला ... ध्रु स्वर्गीं नसे दुःख, मरणाची वार्ता, परी प्रीती, सुख, शांती प्रभूची मनाला .. १ तेथें तहान, भूक लागे न काहीं, परी प्रीती प्रभू ह्याच संजीवनाला ... २ प्रिय पाडसें सारी जीं नेलीं त्याने तीं सर्व सुखरूप देईल मला ... ३ प्रभू हस्त पसरोनी सद्भक्त येता धावुनी मिठी मार त्यांच्या गळ्याला ... ४ प्रेमें ऐकती भक्त जी मधुर वाणी, आहा कसें वर्णू प्रभुदर्शनाला ... ५ सद्भक्त, गणदूत गाती आनंदें न्याहाळितां प्रिय प्रभूच्या मुखाला ... ६ सदभक्त मुकुटातें काढुनी गाती, जयजय, सुवंदित, नवगीत त्याला ... ७ प्रभू भक्त कवळोनि हृदयासी धरितां आहा नसे पार मग त्या सुखाला ... ८ --- कृ. र. सांगळे