मराठी
६९५. द्वितीयोद्गार
प्रभो, वैभवाने येशील माघारा
स्मर या पामरा तेव्हा राया ... १
लुटालूट चोऱ्या केल्या जन्मवरी
माझा मीच वैरी झालो ख्रिस्ता ... २
मातेरे जन्माचे केलें मी सर्वस्वी
आतां हो मनस्वी पश्चाताप ... ३
तुझ्या पायावरी घेतो लोटांगण
देई रे तारण, दीनाला या ... ४
ऐकुनिया टाहो असा त्या चोराचा
द्रवला देवाचा पुत्र फार ... ५
सुखलोकीं आज प्रेमे ख्रिस्त सांगे
असशील सांगे माझिया तुं ... ६
--- वा. मी. गद्रे