मराठी
७०१. ख्रिस्ताचा बंदिवान
पापांतूनी शुद्ध करितें रुधिर
वधस्तंबावर सांडिलें जें ... १
ऐशीं शुभवार्ता प्रभुजी, श्रवतां
झालों मी धावतां तुझे पायी ... २
प्रभुरायें केलें मजला अपुलें
रुधिर अर्पिले माझ्यासाठी ... ३
एक एक क्षण जिण्याचा माझिया
कारणीं तुझिया लावाया मीं ... ४
सेवा करावया तुवां बोलाविलें
उपकार झाले कोटी कोटी ... ५
पातक अवघे पुसून टाकिले
शुद्ध मला केले प्रेमें तूंच ... ६
म्हणे ख्रिस्तशिष्य नव्हे मी स्वताचा
केवळ ख्रिस्ताचा बंदिवान ... ७
-------- फी. मो. भालेराव