७४२. खऱ्या प्रीतीची खरी हीच रीत दूर गगनी हांसतां चंद्रकोर पहा भरती सागरा येई थोर दूर काया परी मनें एक होतीं खऱ्या प्रीतीची खरी हीच रीती ... १ होई गोचर अंधास दृश्य दिव्य अरसीकांतेंहि स्फुरे महाकाव्य पंगू लंघन गिरी, येई हि प्रचीति खऱ्या प्रीतीची खरी हीच रीती ... २ तोयबिंदूला नसे जगिं मोल रीती शुक्तीहि तयापरी फोल हृदीं धरितां त्या तीच करीं मोतीं खऱ्या प्रीतीची खरी हीच रीती ... ३ पुढें ज्याच्या सेवार्थ सदा सिद्ध त्रिलोकीचे समृद्ध भव्य राज्य देवपुत्रा त्या रूप मर्त्य देती खऱ्या प्रीतीची खरी हीच रीती ... ४ --------- अ. दे. टिळक