७८७. मी हि मम नाहीं उरलें घे मम आयु हें सारें, अर्पित पदीं तुझिया प्रभू रे घे निमिषें घे दिन अवघे, तुझ्या वाहू दे स्तुतीसंगे ... १ घे कर दोन्ही प्रभुराया, प्रितीने भर तया तुझिया दुर्बल पद जरी हें देवा, धांवु दे त्यां घे सेवा ... २ कंठ घेई हा, गाईन मी केवळ तुजसाठीं स्वामी अधर गुरो घे, त्यांकरवी वचनसुधा तव जगिं व्हावी ... ३ घे धन सारें प्रभू तुजशीं, नुरो कपर्दिक मजपाशीं चित्त, बुद्धी, बळ ज्या नांवे, घे उचलुनी तुज जें व्हावें ... ४ इप्सित माझें घे, आतां तुझीच रे त्यावर सत्ता केलें बघ हें हृदय रितें, होवो तव सिंहासन तें ... ५ घे मतप्रीति मम जीव, तुझे पाय मज सर्वस्व कण कण ख्रिस्ता तव झालें, मी हि मम नाहीं उरलें ... ६ ------------------ अ. दे. टिळक