मराठी
७९७. जात्यावरच्या ओव्या
पहिली माझी ओवी नाहीं गाण्याचा आळस
तारक येशू ख्रिस्त माझ्या जिन्याचा कळस ... १
तारक येशू ख्रिस्त नाहीं वसत देव्हाईरी
माझ्या ग मनामधे त्यांचं देऊळ तें भारी ... २
आईतवार दिस मला येडीला ठावं नाहीं
मार्याबाई बोले कां ग भक्तीला आली नाहीं ... ३
देवळाच्या पुढं गार सावली चंदनाची
दयाळू प्रभुईची पेटी वाजती गायनाची ... ४
दुसरीं शास्त्र नको माझं बायबल चांगलं
प्रभूच्या वचनात माझं मन ग रंगईल ... ५
जेवण जेवितांना नाहीं प्रार्थना मी ग केली
परी ग पंगतीला येशू , मार्याबाई आली ... ६
किती ग वाट पाहुं झालीं नेत्र माझी कष्टी
तारक प्रभू माझा कधीं पडे माझ्या दृष्टी ... ७
दळण संपविलं पीठ भरून ठेवियेल
प्रभूंचं गोड नांव माझ्या हृदयिं साठविलं ... ८
------- सखुबाई भिकू गायकवाड