யேசுவே, கிரு பாசனப்பதியே, கெட்ட இழிஞன் எனை மீட்டருள், ஏசுவே, கிரு பாசனப்பதியே. 1. காசினியில் உன்னை அன்றி, தாசன் எனக்காதரவு கண்டிலேன், சருவ வல்ல மண்டலாதிபா! நேசமாய் ஏழைக்கிரங்கி, மோசம் அணுகாது காத்து நித்தனே, எனைத் திருத்தி, வைத்தருள் புத்தி வருத்தி, — யேசு 2. பேயுடைச் சிறையதிலும், காய வினைக் கேடதிலும், பின்னமாகச் சிக்குண்ட துர்க் கன்மி ஆயினேன்; தீயரை மீட்கும் பொருளாய் நேயம் உற்றுதிரம் விட்ட தேவனே, எனைக்கண் நோக்கித் தீவினை அனைத்தும் நீக்கி, — யேசு 3.சிறைப்படுத்தின வற்றைச் சிறையாக்கி விட்ட அதி தீரமுள்ள எங்கள்உப கார வள்ளலே, குறை ஏதுனை அண்டினோர்க் கிறைவா? எனைச் சதிக்கும் குற்றங்கள் அறவே தீர்த்து, முற்றுமுடியக் கண் பார்த்து, — யேசு 4. பொல்லா உலகம் அதில் நல்லார் எவரும் இல்லை, புண்ணியனே, உன் சரணம் நண்ணி அண்டினேன்; எல்லார்க்குள் எல்லாம்நீ அல்லோ எனக்குதவி? இந்நாள் அருள் புரிந்து உன் ஆவியைச் சொரிந்து, — யேசு